Ukrayin arbiyleri Rusiyeniñ gece Ukrayina regionlarına ücüm etken İskander-M ballistik raketasını ve 60-tan ziyade uçucısız uçaqnı zararsızlaştırdı.
Berilgen malümatqa köre, Rusiye quvetleri gece eki İskander-M ballistik raketası (Qırımdan) ve 93 Şahed tipindeki ücüm uçaqları ve farqlı çeşit pilotsız uçucılarnen ücüm etken.
Ukrayina arbiyleri 20 yerde duşman raketaları ve ücüm dronlarınıñ urğanını qayd etti.
Evel Sumı vilâyetinde gece Rusiye ücümi neticesinde 12 insan yaralandı, olarnıñ arasında eki bala bar, dep haber etilgen edi.
Rusiye arbiyleri çeşit silâlardan Ukrayina regionlarına muntazam sürette ücüm ete.
Rusiye yolbaşçılığı, Rusiye ordusınıñ, büyük cenk vaqtında, Ukrayina şeerleri ve köyleriniñ grajdan infrastrukturasına maqsatlı darbeler endirgenini, vatandaş ealisini öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
