Ukrayina ve Rusiye salı künü elâk olğan arbiylerniñ cesetlerini deñiştirdiler.
Cenk esirleri ile munasebet meseleleri Ukrayina Koordinatsion ştabı bildirdi ki, memleketke 1000 askerniñ cesedi qaytarıldı. Ştabda, qaytarılğanlar arasında esirlikte elâk olğan beş arbiy hızmetçiniñ cesedi bar, dep qayd ettiler.
Daa soñra yañı almaşuvnı Rusiye prezidenti Vladimir Putinniñ yardımcısı Vladimir Medinskiy tasdıqladı. O, İstanbulda añlaşmalarğa irişilgen muzakerelerde Rusiye eyyetiniñ yolbaşçısı edi. Medinskiyniñ bildirgenine köre, Rusiyege 19 ölüniñ cesedi berildi.
Oraq ayınıñ 23-nde Medinskiy İstanbulda Ukrayina ile üçünci tur muzakereleriniñ neticelerine köre, Rusiye ukrayin tarafına 7 biñden ziyade elâk olğan askerniñ cesedini qaytardı dep bildirdi.
Daa Rusiye ve Ukrayina devriy olaraq arbiy esirlerni deñiştireler.
