AB elçileri eñ yaqın künlerde Rusiyege qarşı yañı sanktsiyalar meselesinde añlaşa bile, dep bildirdi RFE/RL Avropa meseleleri muarriri Rikard Yozvâk.
«AB liderleri bugün Rusiyege qarşı soñki sanktsiyalar mevzusında Köpengagende añlaşıp olamaz, amma AB elçileri cuma künü körüşüvde olarğa yeşil ışıq bele bile dep ümüt bar», – dep yazdı o, X içtimaiy ağında.
Oktâbrniñ 1-nde Kopengagende AB sammiti keçirilecek, oktâbrniñ 2-nde ise anda Avropa siyasiy toplulığınıñ sammiti olacaq.
Sentâbrniñ 19-nda Avropa komissiyası Rusiyege qarşı daa bir sanktsiyalar paketini taqdim etti. Anda Avropa birligi 2027 senesi yanvarniñ 1-nden başlap Rusiye gazından bütünley vazgeçecek, dep teklif etile, – bundan evel 2027 senesiniñ soñu aqqında aytılğan edi. Rusiye kölge flotunıñ daa 118 gemisine qarşı sanktsiyalar da teklif etile.