Rusiye tarafından vaqtınca işğal etilgen Ukrayina topraqlarında, hususan Qırımda, qadınlarnıñ taqip etilüvi Moskvanıñ ayrı, maqsatlı siyasetine çevirildi. Bu aqta Qırım aq qorçalayıcı gruppasınıñ reisi Olğa Skrıpnık siyasiy mabüslerniñ aqlarınıñ bozuluvına bağışlanğan matbuat brifinginde bildirdi.
Rusiye akimiyeti, "devlet hainligi" ve "casuslıq" maddelerine istinaden qabaatlavlar ve ana-baba aqqından marum etüv tehditlerni qullanıp, basqılarnı aselet quvetleştirdi, dep bildire Skripnik, dep bildire ukrain cemaat yayınlayıcısı "Suspilne".
"Qırım qadınları birden muqavemetke qoşuldı, olar bütün aktsiyalarda iştirak etti ve işğalden soñ da narazılıqlarını devam etti. Şunıñ içün bugün biz qadınlarnıñ taqip etilüvi Rusiye mahsus hızmetleriniñ ayrı bir maqsadı olğanından eminmiz", — dep qayd etti Skrıpnık.
Aq qoruyıcılar, balalarnıñ qadınlarğa basqı aleti olaraq qullanılması da telükeli olğanını qayd eteler. Bundan da ğayrı, taqip, mabüslerniñ sağlıq vaziyetine emiyet bermey.
ZMINA insan aqları merkeziniñ leyhalar idarecisi Viktoriya Nesterenko, siyasiy mabüslerniñ tibbiy teminlevi ile bağlı vaziyet kerginleşkenini köstergen monitoring neticelerini taqdim etti.
"Advokatlar ve soy-soplardan tibbiy yardım kösterilmemesi aqqında malümatımız bar. Eki vaziyette bu siyasiy mabüslerniñ ölümine ketirdi", — dep qayd etti o.
"KrımSOS" cemaat teşkilâtı idare yolbaşçısınıñ muavini Lüdmila Şevçenko şunı da qayd etti ki, siyasiy mabüs qadınlar temel tibbiy yardımnıñ olmağanını pek ağır is ete.
Aq qoruyıcılar işğal etilgen topraqlarda siyasiy mabüslerniñ aqları bozulğanı aqqında malümatnı tarqatmağa çağırdılar. Olar qayd eteler ki, cemaat diqqatı ve halqara destek qadınlarnıñ ailelerine qaytmaq ve ayatlarını qorçalamaq imkânlarını arttıra bile.