30-larnıñ ekinci yarısında «Artek» sovetlerniñ repressiyalarına oğradı. Sovetler Birligi ükümetiniñ başı Molotovğa suiqast davası boyunca «Artekniñ» yüzden ziyade ocası ve hadimi apiske alındı. Lagerniñ diger hadimlerini balalarnıñ namusına keçkenlerinde, köteklegenlerinde ve muntazam sürette içki içkenlerinde qabaatlağan ediler. 1945 senesi artekliler ABD elçisine tahtadan yapılğan Amerika tuğrasını ediye etti. Ve tek 1953 senesi amerikalılar tuğrada diñleyici qoyulğanını bildi. 1991 senesinden soñ «Artek» mustaqil Ukrayinanıñ baş bala şifahanesi oldı. Anda, evel olğanı kibi, Rusiye ve diger memleketlerden balalar kele edi.
2014 senesinden başlap, Rusiye Qırımnı işğal etken soñ, er şey qayttı. «Artek» mefküre ceetinden XX asırnıñ 30-lı yıllarına qayttı, – dep ayta tarihçı ve aq qorçalayıcılar. Balalarnı mında «Yunarmiya» terbiye ete, işğal etilgen topraqlardan ketirilgen ukrayinalı balalarnı ise yañı vatanları – Rusiyeni sevmege «ögreteler».
Efsaneviy «Artekniñ» tarihı ve büyük cenk vaqtında zemaneviy «Artek» nasıl çalışa – baqıñız.