Vali Vâçeslav Gladkovnıñ bildirgenine köre, Belgrod vilâyetinde 5400 sakin alâ daa elektriksiz qala. Vilâyet merkezi ve yaqın rayon ve okruglar, hususan Belgorod, Valuy, Volokonov, Grayvoron ve Şebekin rayonları zarar kördi.
Elektrik problemleri oktâbrniñ beşinde aqşam başladı. Telegram kanalları Ukrayina telükesizlik hızmeti Belgorodda «Luç» ast stantsiyasına darbe endirdi, dep yazdı. Gladkov ateşten soñ «energetika zarar kördi», dep bildirdi. Neticede regionnıñ aman-aman 40 biñ sakini ışıqsız qaldı, bazı mesken yerlerde suv yoq edi.
Oktâbrniñ altısında sabağa doğru, Gladkovnıñ aytqanına köre, elektrik temnilevi 24 mesken yerde qısmen yoq. «Tamir işleri devam ete, eñ yaqın vaqıtta biter, dep ümüt etemiz», – dep yazdı o.
Sentâbrniñ 28-nde aqşam Ukrayina ordusı Belgorod issilik elektrik stantsiyasına ücüm etti. Belgorod, Şebekino, Starıy Oskol, Dubovoy, Severnıy, Borisovka, Rakitnıy ve diger mesken yerlerde elektrikler qısmen ketti.