Rusiyeniñ Ukrayina energetika obyektlerine ücümleri neticesinde Kıyiv, Donetsk, Dnipropetrovsk, Çerkası, Çerniğiv, Harkiv, Sumı, Poltava ve Odesa vilâyetlerinde, em de Kıyivde çoqtan çoq qullanıcı elektriksiz qaldı, dep bildire "Ukrenergo" energetika şirketi.
Şirketniñ malümatına köre, bu regionlarda energiya sistemasınıñ vaziyetini stabilleştirmek içün acele elektrik kesilüvleri tayin etilgen.
Energetikler tez vaqıtta stabil elektrik teminlevini ğayrıdan tiklemek içün çalışalar, dep qoşalar "Ukrenergo"da.
Energetika nazirligi, Rusiye ordusı orta küz ayınıñ 10-na keçer gecesi Ukrayina energetik infrastrukturasına kütleviy darbeler endirdi, dep bildirdi.
Rusiye arbiyleri soñki aftaları Ukraнina energetikası ve insanlarnı qızdıruv mevsiminde gaznen teminlegen gaz infrastrukturasına ateş açıp tura.