Ukrayina ve Rusiye esirlerniñ nevbetteki diñiştirilmesi neticesinde 205 ukrayin arbiyi ve vatandaş, şu cümleden "Azovstal" qorçalayıcıları evge qayttı.
"Rusiye esirliginden 185 qorçalayıcımıznı evge qaytaramız. Yüz seksen üç — adiy asker, serjant, eki — zabit. Silâlı Quvetler, Milliy gvardiya, Devlet sıñır hızmetiniñ askerleri. Arbiylerimiz Mariupolde ve "Azovstal"de, ÇAES-te ediler. Çoqusı 2022 senesinden berli esirlikte edi ve endi niayet evlerine qayttılar", — dep yazdı o telegramda.
Onıñ aytqanına köre, aynı bu deñişim çerçivesinde 20 vatandaşnı qaytarıp oldılar.
Ukrayina prezidenti bildirdi ki, tam keñ kölemli basuv başlağanından berli Ukrayina Rusiye esirliginden evge 7 biñden ziyade ukrayinalını qaytarıp oldı.
